Милошоски во посета на Ватикан со покана Папата да ја посети Македонија
Министерот за надворешни работи Антонио Милошоски, денеска е во работна посета на Светата Столица. Во рамките на посетата на Ватикан, шефот на македонската дипломатија ќе се сретне со министерот за надворешни работи на Ватикан, Доминик Мамберти.
На средбата се очекува да стане збор за начините на продлабочување и унапредување на билатералните односи и соработката помеѓу двете земји во областите од заемен интерес. Воедно, Република Македонија ќе се заложи за динамизирање на меѓусебниот дијалог, за што значаен импулс ќе даде размената на посети.
Во таа насока, министерот Атонио Милошоски ќе ја предаде и поканата од Претседателот на Република Македонија, Ѓорге Иванов, упатена до Папата Бенедикт XVI, да ја посети Македонија во текот на 2010 г. |
